မြို့ကစစ်ဆီကို ရောက်​အောင်
သွား​နေတယ်။
စစ်ထဲမှာ သူ့မြို့သား​​တွေ
သူ့ရဲ​ဘော်တွေပါတာကိုး။
သူ့မြို့သား​တွေသူ့ဆီကို​ပြန်ရောက်ဖို့
သူ့ရဲ​ဘော်​တွေ ပြည်​တော်ဝင်ဖို့
မြို့ဟာ သူလုပ်နိုင်တာကိုအကုန်လုပ်​နေတယ်။

ငို​ဆို​တော့လည်း ရှိုက်ကြီးတငင်
ကြိုဆို​တော့လည်းအ​ပြေးတပိုင်း။

မြို့တံတိုင်းထိပ်မှာ
ကြယ်ဖြူ အလံကြီးကို အဆင်သင့်ဝှက်လို့။
မြို့လမ်း​တွေမှာ သ​ပြေနု​တွေ ရဲရဲနီလို့။
မြို့ဟာ သူ့သမိုင်းကို သူ​သွေးလို့။

မြို့ဟာ
သူ့မြို့သား​တွေကို သူလွမ်း​ကြောင်းပြဖို့
စစ်​ထဲအတင်းတိုးဝင်​နေတယ်
မြို့ဟာသူမြို့သား​တွေကို သူမခွဲနိုင်​ကြောင်းပြဖို့….

မြို့ဟာ
စနစ်ကိုပြင်ဖို့ ဘယ်​လောက်နာ​​နာတဲ့
အချစ်ကိုမြင်ဖို့ အ​ရောက်လာ​နေသလို
စစ်ကိုပြင်လို့​စောင့်ကာ ​နေတယ်။ ။