ကာကွယ်ရေး၀န်ကြီးဌာန ဖွဲ့စည်းပုံ

အကြမ်းဖက်စစ်ကောင်စီ၏ ပြည်သူများအပေါ် အကြမ်းဖက်မှုများ၊ စစ်ရေးအရ ရန်လိုတိုက်ခိုက်မှုများကို ထိန်းချုပ်အဆုံးသတ်ခြင်းဖြင့် နှစ်ပေါင်း ခုနစ်ဆယ်ကျော် ဖြစ်ပွားနေသော ပြည်တွင်းစစ် ချုပ်ငြိမ်းရေး၊ ထိရောက်သော လုံခြုံရေးကဏ္ဍ ပြုပြင်ပြောင်းလဲမှုများ လုပ်ဆောင်ရေးနှင့် ဖက်ဒရယ်ပြည်ထောင်စုတပ်မတော် ဖွဲ့စည်းနိုင်ရေးတို့ကို ဆောင်ရွက်ရန်အတွက် ဖက်ဒရယ်ပြည်ထောင်စု တပ်မတော်၏ ရှေ့ပြေးအမြုတေအဖြစ် ပြည်သူ့ ကာကွယ်ရေးတပ်မတော်အား ဖွဲ့စည်း၍ စစ်ရုံးချုပ်က ကွပ်ကဲလျက်ရှိသည်။ ထို့အပြင် ပြည်သူ့စစ် မဟာဗျူဟာကို အထောက်အကူပြု ဖော်ဆောင်နိုင်စေရန် နှင့် ပြည်သူ့ကာကွယ်ရေးအဖွဲ့များကို စနစ်တကျ စီမံဆောင်ရွက်နိုင်ရန်အတွက် ပြည်သူ့ကာကွယ်ရေးအဖွဲ့ (ပကဖ) ရုံးချုပ်ကို ဖွဲ့စည်း၍ ပြည်သူ့ကာကွယ်ရေးအဖွဲ့များအား အုပ်ချုပ်ကွပ်ကဲလျက်ရှိသည်။