ကြေးသိပ်ကြီးတဲ့ နွေဦးရယ်
ငါတို့မှာ
သင်ခန်းစာ ဒုက္ခညွှန်းတမ်းကို
နောကျေအောင် ဖြတ်ခဲ့ရ

တိုက်တသောင်းကြားအောင်
ငြီးတွားလည်း
ဘယ်ဘုရားမှ
လာမကယ်ကြောင်းဟာ
ကိုယ်တွေ့မှ ကိုယ်တွေ့ပါပဲ

ဒုက္ခဟာ သစ္စာမှ သစ္စာ

ပန်းတွေလည်း အဆုပ်လိုက်
ကြယ်တွေလည်း တအုပ်လိုက်
မြေခကြွေကျရတဲ့ နွေဦးကြေးကို
ဘုရားတလို့ မရ

တရားရှာ ကိုယ်မှာတွေ့တဲ့ နွေဦးအတွက်
ဒုက္ခကို လောင်းကြေးထပ်ခဲ့ပါပြီ
ဘယ်ဘုရားမှ မ “မ”လည်းနေ
ဘယ်သိကြားမှလည်း မ “တ”တော့

ပန်းဝင်လုလု မာန်နဲ့
အံတုပြီး ချီခဲ့တယ်
တရားစစ်စစ် ခွါသံဝင့်ခဲ့ပြီ
ငါ့တရားဟာ ဓားနဲ့ လှံနဲ့။

2:01 am
27th May 2023